KALAKUAN ALAM

Oleh -
KALAKUAN ALAM
Sakali aie gadang
Sakali tapian baraliah
Sakali tahun baganti
Sakali musim batuka
Sakali gadang baganti
Sakali adaik baraliah
Sakali rajo baganti
Sakali angkatan barubah
Rasan aie ka aie
Rasan minyak ka minyak
Nan tabungkuih rasan daun
Nan bakabek rasan tali
Rasok aie ka pamatang
Rasok minya ka kuali
Kayu pulai di koto alam
Batangnyo sandi basandi
Kok pandai di dalam alam
Patah tumbuah hilang baganti
Asa batu mambanam
Asa sabuik tarapuang
Asa ayam ka lasuang
Asa itiak ka palimbahan
Babaun bak ambacang
Bajajak bak bakiak
Bauriah bak sipasin
Baruag-ruang bak durian
Banabu-nabu bak cubadak
Kok gunuang timbunan angin
Kok lurah timbunan aie
Kok lauik timbunan ombak
Kok bukik timbunan paneh
Kok lubang timbunan sarok
Kok taluak timbunan kapa
Tampek barudu di kubangan
Garundang gadang di aie
Buayo gadang di muaro
Ikan rayo di lautan
Samuik barajo di sarangnyo
Ayam barinduak, siriah bajunjungan
Batanak di pariuak, manumbuak di lasuang
Kabau mangoek, jawi malanguah
Kambiang mambebek, kudo maringkih
Murai bakicau, alang bakulik
Ayam bakukuak
Salamo aie hilie
Salamo ytu pulo gagak hitam
Bak aie di daun taleh
Bak ambun di ujuang rupuik
Bak abu di ateh tungku
Bak talua di ujuang tanduak
Tak ado gadiang nan tak ratak
Tak ado mangkudu nan tak bagatah
Tak ado kilek dek urang buto
Tak ado guruah dek urang pakak
Tak ado panjang nan tak patah
Tak ado leba nan tak cabiak
Batuang tumbuah di bukunyo
Karambia tumbuah di matonyo
Kipeh ba kipeh bak anggang tabang
Tungkek manungkek bak padi rabah
Kuaik buruang dek karano sayok
Kuaik ikan karano radai
Kuaik sapik karano kampo
Asiang lubuak asiang ikannyo
Asiang padang asiang bilalang
Asiang nagari asiang langgamnyo
Jaman baraliah musim batuka
Karuah aie di hulu, sampai ka muaro karuah juo
Kok lah paneh hari, lupo kacang jo kuliknyo
Kok kuriak induaknyo, tibo di anak rintiak juo
Aie cucuran atok, Jatuahnyo ka palimbahan juo
Lurah juo nan di turuik aie, aie gadang batu basimbak
Hari nan sadang tangah hari
Sadang buntak bayang-bayang
Sadang linduang saliguri
Sadang litak ..... litak anjiang
Sadang haniang ..... haniang buruang
Sadang sunyi urang di kampuang
Sadang rami urang di pakan
Ulang barulang katandaian
Hari nan paneh ..... paneh barangin
Angin babaue guruah tuhue
Lah tabang gagak ka gunuang
Lah pulang itiak di sawah
Lah masuak ayam ka kandang
Malangkiang caciang dalam tanah
Tando alamaik hari ka sanjo
Badantuang gagak di lauik
Mambantang cahayo kilek
Kulabu ruponyo awan
Mangguntua guruah di langik
Bapiyuah angin di puhun
Bapesong limbubu di udaro
Cando ka runtuahlabek ujan
Manjangkan sarantang tangan
Mamikua sakuaik bahu
Malompek saayun langkah
Bakato sapanjang aka
Mangurangi sio-sio
Malabiahi ancak-ancak
Nan bungkuak makanan saruang
Nan bengkok makanan tali
Riwayaik Jambi lah tasabuik
Panjang banjelo di silukah
Alun balabiah mangkonyo cukuik
Sampai ka hulu mangkonyo sudah

Komentar

Posting Komentar

Postingan populer dari blog ini

Penutup kata dlm pepatah petitih Minangkabau

Oleh -
Penutup kata dlm pepatah petitih Minangkabau Bapak2 , sanak sudaro di mano sajo barado ..... Dek lah panjang jalan nan di turuik, lah banyak pulau talampaui, baa kini nan ko pihak di badan diri kami. Bak ibaraik si buruang pipik komah, tabang malayok di udaro, babunta2 nan jo awan nan babentan2 nan jo asok, uweh malayang nyo malayok, uweh maninggi nyo marandah, tabang ka padang ribu2, iyo di ribo nan satumpak. Sadang mamakan buah rumpuik litak lapeh awuihpun tibo di sasok ambun nan satitiak sajuak nan bukan alang kapalang bak paneh di timpo rinai sajuak anggauta nan ka tujuahnyo. Baa sakarang kini nanko ..... dek karano mukasuid alah sampai nan di amak alah pacah, mukasuid bana dalam hati nak babaliak ka pinang nan sabatang mancaliak sarang nan batinggakan rila jo maaf kami pinta. Balam barabah si kaladi inggok di bawah si kaduduak lareh bulunyo duo halai, kok salah tolong pelok-i, kok kurang tolonglah tukuak, senteng tolong sanak bilai, Assalamualaikum Wr Wb .....
Read more »

PEMBUKA KATO DI DALAM PEPATAH PETITIH MINANG KABAU

Oleh -
PEMBUKA KATO DI DALAM PEPATAH PETITIH MINANG KABAU : Assalamualikum pembuka kato ..... Bismillah pambuka kaji Basusun jari di kapalo ..... rila jo maaf mohon di bari Rila jo maaf ambo pintak ..... taradok nan tuo jo nan mudo Antah dari ma tumbuahnyo garah ..... mangko tajadi sarupo iko Tapi samantang kok baitu ..... cancang tantu balandasan Kato lai batujuan ..... nan kajadi tujuan kato malah kiniko Tantangan isak tangih kami di kampuang ..... Iyo di ranah Minangkabau, di dalam luak nan tigo, sampai karantau jo pasisia Dalam lingkungan Sumatera Barat ..... Padang Panjang jo Tanah Data ..... Luak Agam jo Pariaman Taruih sampai ka daerah solok ..... dapek musibah kasadonyo Kok lai bana di daerah lain, sarupo Padang jo Pasisia Payakumbuah jo daerah lintau ..... lai indak mumuak bana Tapi nan jaleh mak ..... dek musibah gampo nantun Lah ramuak hati kami di kampuang ..... kalau indak ka manangih sabab lah ka jaleh ..... baitu keadaan kami kini ..... Baalah lai kini nanko ..... Buk
Read more »

jangan dibuang dulu tanaman liar dirumah anda

Oleh -
Gambar
kali ini aku ingin membahas tentang tumbuhan yang hidup secara bebas di alam. Yaps, siapa lagi kalau bukan si rumput liar. Meski tanpa ditanam dan dirawat pun, tumbuhan ini akan hidupdengan sehat.  Apalagi kalau tanah di sekitarnya subur alias banyak mengandung unsur hara yang sangat dibutuhkan oleh tumbuhan, udah deh, pastinya si tumbuhan liar ini bakal gemuk-gemuk dan montok-montok banget, hihi. Oke deh. yuk kita simak sekarang!! 1. Tanaman Boroco (Bayam ekor belanda, bayam kucing)    Boroco merupakan tumbuhan yang biasa tumbuh liar di pinggir jalan,tepi selokan, dan tanah lapang yang terlantar. . Boroco, biasa tumbuh tegak dengan mencapai tinggi 30 - 100 cm.  Boroco ( Celosia argentea Linn. ) memiliki ciri utama batangnya berbentuk bulat dengan alur kasar memanjang, bercabang banyak, batang ini biasa bewarna hijau atau merah. Daunnya berbentuk bulat telur memanjang, ada yang wama hijau dan ada yang warna merah, ujung lancip, pinggir bergerigi halus hampir rata.            
Read more »